المراهقة والثلاثيني

مكنتش محتاجه فكاكه منى كنت عارف انها خايفه زى كل البنات خاصه اننا متجوزين صالونات ومخدناش وقت تعارف طويل بعد ما غيرنا هدومنا حاولت اطمنها، قلتلها انا مش هجبرك على حاجه، خدى راحتك وقت ما يحصل يحصل، خدنا سهرتنا، قلتلها انا هنـ,,ـام فى الصاله وانتى نـ,,ـامى فى أوضة النـ,,ـوم، مراتى ما عارضتش ولا حاجه

دخلت اوضتها وقفلت الباب على نفسها من جوه

شوية وسمعت صوت بكاها، خبطت على الاوضه رفضت تفتح

فضلت سهران بحاول اعرف حصل ايه من غير فايده

عمال اتحايل عليها لحد ما هديت ونـ,,ـامت، الصبح بدرى قمت صحيتها وخدت بخاطرها قبل ما اسرتها تيجى، حاولت اوصلها انى مش مهتم

وإننا شخص واحد

اسرتها وصلت الساعه عشره الصبح، انا قعدت مع حماى وهى قعدت مع والدتها واخوتها

كانو بيتكلمو بصوت واطى، بعد شويه وشوشهم اتغيرت ولاحظت ان والدتها بتبصلى نظرات غريبه، مريبه

خدو قعدتهم ومشيو، بعدها بسأل مراتى والدتك كانت متغيره وهى ماشيه وببتبص عليه نظرات غريبه

انتى قلت ليها حاجه زعلتها؟

مراتى بكل برود قالت مش اكتر من كلام عادى بين بنت ووالدتها

اليوم عدا عادى، كنت قلقان ومتوتر بحاول. اوفر جو مريح يجمعنا سوا انا ومراتى لأن كل ما أقرب منها ترتعش وحالتها تتغير

طلبت منها نقعد مع بعض ونتصارح قلتلها لو فيه حاجه مضياقكى

يا ريت تعرفينى

لو خايفه مثلا قليلى

قالت معلهش انا محتاجه شوية وقت وهكون كويسه وترجتنى اصبر شويه

قلتلها لو الوضع كده مفيش مشـ,,ـكله والله لو حتى سنه كامله