العين السحر.ية

ديه العين السحرية عندي في باب الشقة من كام يوم حصل موقف مش قادر أصدقه لحد دلوقتي ، مش عارف دا كان وهم ولا حقيقي ، بس فيه علامات اكدتلي انه حقيقي ومع ذلك عقلي رافض يصدق.. الموضوع باختصار ان يوم الجمعة هدي مراتي متعودة تقضي اليوم عند أهلها وبترجع على ١٠ كده. كنت قاعد بتفرج على التلفزيون والساعة جت ١٠ بالظبط لقيت باب الشقة بيتفتح وهدي داخلة وماسكة في ايديها شنطة سودة مليانة على اخرها ، دخلت وقفلت الباب من غير ما تفتح بوقها وراحت على المطبخ على طول – طيب قولي سلام عليكم حتي دا الي قولته لما شوفتها وهي داخلة من غير ما تعبرني ، مردتش عليا وكملت في طريقها للمطبخ ، مفيش ثواني ولقيت جرس الشقة بيضر.ب ،بصيت من العين السحرية اشوف مين الي بره لقيت هدي مراتي واقفة وماسكة في إيديها نفس الكيس الأسود..جتلي حالة من الصدمة ، مبقتش مصدق ، ديه لسه داخلة قدامي حالا !! فضلت واقف متنح ، عمال ابص عليها من العين السحرية وارجع افكر هي فعلا دخلت ولا كان بيتهيألي؟..لحد لما أخيراً فتحت الباب – ساعة ..ساعة عشان تفتحلي قالت الكلمتين دول ودخلت على المطبخ وهي ماسكة في ايديها الكي.س الاسود بنفس الطريقة ، مردتش عليها بس دخلت وراها وانا لسه في حالة صد.مة ، مش عارف انا اتجنـ..نت ولا ايه حصلي ، بس لو الي شوفته كان تهيؤات ازاي نفس الكيس الاسود شوفته قبل كده.. كانت مدياني ضهرها و واقفة قدام الرخامه وبتطلع حاجة من الكيس الي كان في ايديها مش عارف ايه هي ، قربت منها بهدوء عشان اعرف بتعمل ايه ..بس قبل ما اقرب اكتر ، لقيتها لفت وشها مرة واحدة وبصيتلي بصة عمري ما شوفت زيها خلال ٣ سنين جواز ، باصة حادة جداً ومرعبة.. لدرجة اني اتخض.يت منها وانا اعصابي كانت سايبة أصلا لوحدها – ممكن تخرج بره وتسيبني اخلص الي بعمله ؟ الحقيقة انا كنت متوتر وقلقان من الي حصل ، فا مقدرتش ارد عليها غير بحاضر،خرجت قعدت نفس القاعدة الي كنت قاعدها قدام التلفزيون ، باصص على المسلسل الي شغال بس لسه عقلي بيفكر في الي حصل ، خرجت هدي من المطبخ قعدت جنبي من غير ما تتكلم.. فضلت باصة قدامها والغريب انها مش بترمش ، كنت عمال ابص على التلفزيون وارجع ابص عليها.. – بقولك ايه يا هدي ، خلي القرآن شغال في الشقة على طول عشان انا بقي يتهيألي حاجات غريبة من غير ما ترد هزت دماغها ، سكتت ورجعت ابص على التلفزيون ، عاوز احكيلها الي حصل بس هي أصلا مسألتنيش ايه الي الحاجات الغريبة الي بتتكلم عنها وكأنها مش مهتمة بالموضوع ..فات وقت كتير وهي مش عاوزة تنطق – انا هقوم اعمل لنفسي كوباية شاي بدل الملل داه اعملك معايا قولت الكلام دا وانا بستعد اني اقوم ، بس لقيتها حطيت ايديها على ايدي وقالتلي : – خليك اول مرة تنطق من نص ساعة ، بس لاحظت ان ايديها باردة بطريقة مش طبيعية زي ما يكون لوح تلج لم.سني لدرجة اني مستحملتهاش وشيلتها من عليا بسرعة وقومت روحت ناحية المطبخ – هعمل كوباية شاي يا دودو و هعملك معايا ،مش هتأخر مشيت ناحية المطبخ وقبل ما ادخل لقيت ايد بتتحط على كتفي ، ايد هدي ، عرفتها لانها كانت متلجة ، استغربت لأني سايبها قاعدة مكانتش قامت ازاي لحقتني بالسرعة ديه من غير حتي ما اسمع صوت خطواتها ، بس مش مهم جت على ديه ما النهاردة يوم الحاجات الي مش مفهومة .. – خليك..متدخلش لفيت بسرعة وانا بشيل ايديها من على كتفي – يابنتي جسمك متلج كده ليه .. عاوز اشرب كوباية شاي بقولك قولت الجملة وعيني زغللت للحظات و حسيت اني دوخت وهقع بس رجعت لوعيي تاني بسرعة، في نفس اللحظة لقيتها واقفة قدامي بعد لما كانت ورايا ، بتبصلي من غير ما ترمش – عشان خاطري متدخلش هنا استغربت ، وبصلتها بنوع من الغضب وانا مستغرب فيه ايه جوا مش عوزاني اشوفه ، كلمتها المرادي بنبرة فيها نوع من العصبية – هو فيه ايه جوا بالظبط مش عوزاني اشوفه!! قولت الكلام وزقيتها من قدامي، حسيت نفس الاحساس لما حطيت ايدي عليها ، ج.سمها متلج بطريقة مش مفهومة ، بس مش دا الي شاغلني دلوقتي ، انا عاوز اعرف ليه مش عوزاني ادخل المطبخ.. – بقولك متدخلش المرادي وهي بتقولها كانت لازقة في ضهري بالظبط وصوتها جنب ودني وكله حدة وعصبية وفيه بحة غريبة .. اتصدمت من الطريقة الي بتتكلم بيها ولفيت ضهري لقيت عينيها كلها شرار ، بلعت ريقي وقولتلها – هدخل .. هدخل غصب عنك واشوف انتي مخبية ايه جوا .. وايه الي كنتي جيباه في الكيس الي في ايديكي داه.. قولت الكلام داه ودخلت المطبخ بصيت على الرخامه عشان اشوف الكيس الاسود الي كان في ايديها مفروش ومحطوط عليه اعض.اء بشرية متقطـ..عة و الد.م بينق.ط من طرف الرخامه نازل على الأرض وجنبهم سكـ..ينة كلها د.م .. افتكرت لما دخلت عليها المطبخ اول لما جت من بره وهي مدياني ضهرها وبتطلع حاجات من الكيس ، ايوة كانت بتقطـ..ع الجثـ..ة عيني وسعت على اخرها ومقدرتش انطق زي ما يكون لساني اتشـ..ل، قربت من الاعض.اء ديه الي من الواضح انها لواحدة ست شعرها كان مغطي وشها المقطـ..وع ومحطوط جنب باقي الأع.ضاء ..مديت ايدي وهي بتتر.عش مسكت الشعر بطراطيف صوابعي وانا في حالة ذهول.. دددد..يه هدي.. وش هدي مراتي اتفز.عت ورميت وشها من ايدي وانا بصر.خ وبرجع لورا ، هدي مراتي الي متقطـ..عة امال مين الي كانت معايا بره.. فضلت ارجع بضهري لورا وانا عملت ابص عليي دماغها الي مرمية على الارض وباقي أعضا.ءها على الرخامه ، عمال ارجع لورا وانا بنهج ومنه.ار لحد لما لقيت نفسي بخبط في حاجة صلبة وسمعت نفس صوتها بيتكلم جوا ودني – مش قولتلك متدخلش في نفس اللحظة الي قالت فيها كده وش هدي الي كان مرمي على الأرض عيونه فتحت بعد لما كانت مغمضة ، فتحت وبصلتي نفس البصة الي كلها شر.ار وش.ر ، اتفز.عت ومسكت دماغي وطلعت من المطبخ وانا بصر.خ بطريقة هستيريه .. التليفون كان بيرن ..حمدت ربنا وقولت ارد بسرعة اشوف مين واقوله يجي يلحقني من الي بيحصل .. ببب..بس لقيت اسم هدي.. هدي الي بترن عليا بلعت ريقي وفتحت عليها وانا واقف مذهول – حبيبي ، معلش هبات عند ماما انهارده وهاجي بكره بدري عشان الجو برد ومش هقدر اخرج -…. – محمد سامعني ؟ -….. – الوووو سمعت الصوت في الخلفية” شكل الشبكة عنده وحشة يا ماما” قفلت ورنت تاني ، بس انا مش برد ، اكتر من ١٠ رنات ، انا مش فاهم حاجة ، مش فاهم حاجة دخلت الاوضة بسرعة وقفلت على نفسي بالمفتاح واتغطيت بالبطانية وانا عمال انهج وجسمي كله بيتر.عش ،طول الليل على الوضع داه ،حاسس ان فيه حد بيتحرك في الاوضة بس خايف ارفع دماغي، مش قادر ابص .. حاسس ان قل.بي هيقف في اي لحظة من الخوف.. لحد لما جرس الشقة ضر.ب، الخضة الي اتخ.ضتها وهو بيضرب كأنه بيضر.ب في ق.لبي ماكنتش عاوز اقوم افتح بس فيه حد مش عاوز يبطل ، بس انا خا.يف اوي ..تخبيط وترزيع على الباب ، بصيت في المنبه لقيت الساعة بقت ١٠ الصبح ، قومت فتحت باب الاوضة وانا جس.مي بيتر.عش ، روحت عند باب الشقة بصيت من العين السحرية لقيت هدي مراتي واقفة وعلى وشها ملامح الغضب وفي ايديها نفس الكيس الأسود .. بلعت ريقي وسندت ضهري على الباب ، مش عارف المرادي هي هدي بجد ولا دا عفريت .. فضلت تخبط وترزع جامد لحد لما فتحت أخيراً.. عينيها وسعت اول لما شافتني واستغربت على منظري ، كنت واقف بتر.عش وركبي بتخبط في بعض.. – يالهوي .. مالك يا محمد فيه ايه جريت عليا سندتني لحد السر.ير وهي عماله تكلمني وانا حاسس اني في وادي تاني مش سامع حاجة بفكر في الي شوفته ، بس كنت خا.يف منها ، خا.يف متطلعش هدي .. دخلت على السر.ير واتغطيت وهي لسه بتكلمني وانا مش برد عليها .. لحد لما غطتني وسابتني وخرجت نمت يومها نوم زي لدرجة انها جت صحتني فكراني مـ..ت ، سمعتها وهي بتقولي بقالك ١٨ ساعة نايم ، مالك فيك ايه.. انت مش عاوز ترد عليا ليه .. الدموع كانت في عينيها بس انا بردو خايف قومت جريت على المطبخ لقيت كل حاجة طبيعية مش موجود الاعض.اء الي شوفتها ، بس شوفت نفس الكيس الاسود محطوط في ركن المطبخ ..هدي كانت ماشية ورايا ومستغربة من ردود فعلي مش عارفة انا بتصرف كده ليه – اااا..فتحي الكيس داه وريني فيه ايه بصلتي باستغراب – ماله الكيس ؟ هيكون فيه يعني – افتحي الكيس بقولك المره ديه قولتها بكل عصبـ..ية وغض.ب لدرجة ان جسمها اتنف.ض وجر.يت على الكيس – هفتحه هف.تحه .. ديه حاجات رمضان ماما اديتهالي ، انت مالك فيه ايه ، بتعمل كده ليه قالت الكلام دا وفتحت الكيس عشان اشوف جواه زيت وسكر وبلح وشوية حاجات تانية ..خدت نفس طويل وسندت على الحيطة وسرحت شوية وهي عمالة تبصلي – اااا..انا اسف ، اعصابي تعبانه شوية..سامحيني من السبت الي جت فيه لحد انهارده وانا لسه خا.يف منها ، مش عارف هي الي ملبو.سة والي انا الي ملبو.س ولا الشقة الي فيها حاجة ، انا خاااا.ايف