أنا لسة متجـوز من 5 شهور .
وطبيعة شعر مراتي مش ناعم اوي و بالنسبالي عادي يعني .
في مرة دخلت عليها لقيتها كانت بتعمل شوية حاجات في شعرها وجاية بتورهوني و بتسألني عن رأيي في شعرها .. . أنا رديت رد تلقائي وقولتلها ايه يابنتي إللي انتي عاملاه في نفسك دا .. انتي مابتشوفيش شعر مراتات اخواتي بيبقى عامل إزاي ؟!
قولت الكلمتين دول من هنا وراحت باصالي باستغراب ووشها بيضحك بس عنيها في اقل من ثانية اتملت دمـ ـوع
وانا اقسمتلها اني بهزر مش قاصدي اضـ ـايقها
وبعدين سابتني ودخلت الأوضة وقفلت على نفسها وشوية و سمعت صوت تك.ىىىير وخربطه . . و فضلت أنادي عليها شوية مش بترد عليا وفجأة فتحت باب الأوضة ودخلت تغسل وشها من العيـ ـاط . . المشـ ـكلة إنها بتعـ ـيط بعنيها بس . . .يعني ممكن تبقى باصة في وشي ووشها بيضحك بس عنيها مليانة بالدموع .
المهم دخلت أنا الأوضة لقيتها مك.ىىىرة كل كريمات الشعر والبرفانات والميكاب رامياهم كلهم في الزبالة .
